Қазіргі жаһандану дәуірінде азаматтардың шетелге шығуы, білім алуы, жұмыс істеуі немесе саяхаттауы қалыпты құбылысқа айналды. Осындай жағдайда әрбір мемлекет үшін өз азаматтарының қауіпсіздігін қамтамасыз ету маңызды міндеттердің бірі болып табылады. Қазақстан Республикасы да бұл бағытта өз азаматтарына тұрақты қолдау көрсетіп, олардың құқықтары мен қауіпсіздігін қорғауды басты басымдықтардың бірі ретінде қарастырады.
Қазақстан Республикасының Президенті Қасым-Жомарт Тоқаев өз сөздерінде мемлекет азаматтарын ешқашан назардан тыс қалдырмайтынын бірнеше рет атап өткен. Президенттің айтуынша, Қазақстан қай жерде жүрсе де өз азаматтарына қамқорлық жасап, олардың қауіпсіздігін қамтамасыз ету үшін барлық қажетті шараларды қабылдайды. Бұл – мемлекет пен азамат арасындағы сенім мен жауапкершіліктің айқын көрінісі.
Шетелде жүрген қазақстандықтарға елшіліктер мен консулдықтар арқылы құқықтық, ақпараттық және ұйымдастырушылық көмек көрсетіледі. Төтенше жағдайлар, табиғи апаттар немесе басқа да қауіп-қатер туындаған кезде мемлекет өз азаматтарын қорғау және қажет болған жағдайда елге қайтару үшін нақты іс-қимылдар жүргізеді. Соңғы жылдары әлемнің түрлі өңірлерінде орын алған күрделі жағдайлар кезінде Қазақстан өз азаматтарын эвакуациялап, оларға қажетті көмек көрсеткені осының дәлелі.
Қазақстан азаматтарының қолындағы көгілдір түсті төлқұжат – жай ғана құжат емес. Ол – мемлекеттің сенімі мен қамқорлығының, тәуелсіз елдің жоғары құндылықтарының символы. «Бирюзовый паспорт» иесінің артында тұтас мемлекет тұрғанын білдіреді. Бұл құжат Қазақстан азаматының құқықтарын халықаралық деңгейде қорғауға мүмкіндік береді.
Бүгінгі таңда Қазақстан әлемдік қауымдастықта бейбітшілік пен тұрақтылықты қолдайтын, өз азаматтарының мүддесін қорғауды басты міндеттердің бірі ретінде қарайтын мемлекет ретінде танылып отыр. Мемлекет үшін әрбір азаматтың амандығы мен қауіпсіздігі – ең басты құндылық.
Сондықтан Қазақстан азаматы қай елде жүрсе де, ол өзінің артында туған елі – Қазақстан тұрғанын әрдайым сезінеді. Әлемнің кез келген нүктесінде Қазақстан өз азаматтарымен бірге.