Бәйдібек ауданында ауылдық аумақтарды дамыту, инфрақұрылымды жаңғырту және тұрғындардың тұрмыс сапасын арттыру бағытындағы кешенді жұмыстар жоспарлы түрде жүзеге асырылуда. Осы мақсатта аудан әкімінің міндетін уақытша атқарушы Нұрпеис Ақбаев жұмыс сапарымен Ақбастау ауылдық округіне барып, бірқатар әлеуметтік және инфрақұрылымдық нысандардың жай-күйін жан-жақты саралады.
Сапардың негізгі бөлігі Ақбастау ауылындағы орталық мәдениет үйінде өтті. Мұнда аудан басшысы ауыл тұрғындарымен кең көлемде кездесу өткізіп, округтің әлеуметтік-экономикалық даму барысын, атқарылып жатқан жобаларды және алдағы жоспарларды таныстырды. Ашық форматта өткен кездесуде тұрғындар ауыл ішіндегі жолдардың жағдайы, ауыз су, жұмыс орындары, әлеуметтік нысандардың сапасы және жастарға арналған инфрақұрылым мәселелерін көтерді.
Аудан басшысы әрбір ұсынысты мұқият тыңдап, олардың барлығы кезең-кезеңімен қаралатынын атап өтті. Кездесу барысында ауылдың даму бағыты тек әкімдік тарапынан емес, тұрғындардың белсенді қатысуымен жүзеге асырылуы тиіс екені айтылды. Сонымен қатар ауылдың әлеуметтік-экономикалық дамуына серпін беретін нақты жобаларға басымдық берілетіні жеткізілді.
Кездесуден кейін тұрғындарды жеке мәселелері бойынша қабылдау жүргізілді. Жеке қабылдауда жер, әлеуметтік көмек, жұмыспен қамту, инфрақұрылым және тұрмыстық мәселелер бойынша өтініштер тыңдалды. Барлық өтініштер тіркеліп, жауапты бөлімдерге нақты тапсырмалар берілді. Әрбір мәселе заң аясында қаралып, тиісті шешім қабылданатыны атап өтілді.
Сапар барысында Ақбастау ауылындағы спорт кешеннің қазіргі жағдайы да егжей-тегжейлі тексерілді. Нысанның техникалық жай-күйі, спорт үйірмелерінің жұмыс істеуі және жастардың қатысу деңгейі қаралды. Аталған спорт кешені ауыл жастарының бос уақытын тиімді өткізуіне және бұқаралық спортты дамытуға мүмкіндік беретін маңызды инфрақұрылым екені атап өтілді.
Аудан басшысы спорт нысанын тиімді пайдалану, жаттықтырушылар санын арттыру және балалар мен жасөспірімдерге арналған спорттық секцияларды көбейту бойынша нақты ұсыныстар берді. Бұл бағыт ауыл жастарын салауатты өмір салтына баулуға ықпал етпек.
Іссапардың келесі бағыты Жолғабас ауылы болды. Мұнда құрылыс жұмыстары жүргізіліп жатқан балалар ойын алаңшасының барысы тексерілді. Алаңшаның сапасы, қауіпсіздік талаптарына сәйкестігі және абаттандыру деңгейі назарға алынды. Сонымен қатар орталық саябақтың қайта жаңғырту жұмыстары қаралып, жасыл желек аймақтарын кеңейту, демалыс орындарын көбейту және жарықтандыру жүйесін орнату мәселелері талқыланды.
Бұл жобалар ауыл тұрғындары үшін қолайлы қоғамдық кеңістіктер қалыптастыруға бағытталған. Балаларға арналған алаңшалар мен демалыс аймақтары ауыл өмірінің сапасын арттырып, әлеуметтік ортаны жақсартуға мүмкіндік береді.
Кеңес ауылына кіреберіс жол бойында да арнайы зерделеу жұмыстары жүргізілді. Бұл аумақта «Таза Қазақстан» экологиялық акциясы аясында егілген тал көшеттерінің жағдайы тексерілді. Егілген көшеттердің жерсіну деңгейі, суару жүйесі және күтім жұмыстары қаралып, жасыл белдеуді сақтау мен кеңейту бойынша қосымша тапсырмалар берілді.
Аудан басшысы экологиялық мәдениетті қалыптастырудың маңыздылығын атап өтіп, мұндай бастамалар тек көріктендіру емес, сонымен бірге тұрғындардың табиғатқа деген жауапкершілігін арттыратынын жеткізді.
Сапар барысында жалпы округ бойынша инфрақұрылымдық жобалардың орындалу барысы да сараланды. Ауыл ішіндегі жолдардың жағдайы, жарықтандыру жүйелері, су арналары мен инженерлік желілердің жұмысы жан-жақты қаралды. Бірқатар бағыттар бойынша кемшіліктер анықталып, оларды жою үшін нақты мерзімдер белгіленді.
Сонымен қатар ауыл шаруашылығы саласына қатысты мәселелер де назардан тыс қалмады. Суармалы жерлердің жағдайы, ирригациялық жүйелердің тиімділігі және шаруашылық құрылымдарының жұмысы талқыланды. Бұл бағыт ауыл экономикасының негізгі тірегі болғандықтан, оған ерекше көңіл бөлінетіні айтылды.
Жалпы алғанда, Ақбастау ауылдық округінде жүргізілген бұл кең ауқымды зерделеу жұмыстары елді мекеннің әлеуметтік-экономикалық дамуына нақты баға беруге және алдағы жоспарларды айқындауға мүмкіндік берді. Барлық анықталған мәселелер бойынша тиісті бөлімдерге тапсырмалар жүктеліп, орындалуы қатаң бақылауға алынатыны ескертілді.
Аудан әкімінің міндетін уақытша атқарушы Нұрпеис Ақбаев ауылдық округтердің дамуы тұрғындардың белсенділігімен және бірлескен жұмыстың нәтижесінде жүзеге асатынын атап өтті. Алдағы уақытта да инфрақұрылымды дамыту, әлеуметтік нысандарды жаңғырту, экологиялық жобаларды іске асыру және ауыл өмірін жақсарту бағытындағы жұмыстар жүйелі түрде жалғасын табатын болады.