Түркістан облыстық мәслихатының жұмыс жоспарына сәйкес, облыстық мәслихат төрағасы Н.Әбішовтың өкімімен құрылған уақытша депутаттық комиссия Мақтаарал ауданындағы стратегиялық маңызы бар «Дарбаза – Мақтаарал» теміржол желісінің құрылыс жұмыстарымен танысты.
Құрылыс жұмыстарымен танысуға Түркістан облыстық мәслихатының төрағасы Н.Әбішов бастаған мәслихат депутаттары Ж.Сүлейменов, А.Үмбетәлиев, Н.Әжіметов, Ж.Қанаев, Б.Серманизов, Д.Егамбердиева, Е.Ералиев, Ж.Құрақбаев қатысты.
Іссапар барысында депутаттар теміржол желісінің құрылыс алаңдарын аралап, жобаның жүзеге асырылу барысымен танысты.
Сонымен қатар, құрылыс алаңында өткен кездесуге Жетісай ауданының әкімі С.Мамытов, Мақтаарал ауданы әкімінің орынбасары Б.Анарбеков, «Қазақстан темір жолы» ұлттық компаниясы» акционерлік қоғамының басқарма басшысы Н.Нұрабаев, мердігер және жобалаушы мекемелердің өкілдері қатысып, жобаның жүзеге асырылу барысы туралы ақпарат берді.
Аралау барысында депутаттар аталған жобаның өңір үшін маңыздылығын атап өтіп, аудандағы халық саны мен көлік қозғалысының қарқынды өсуіне байланысты «Дарбаза – Мақтаарал» теміржол желісіндегі аспалы көпірдің құрылысын екінші кезеңнен бірінші кезеңге ауыстыру туралы ұсыныстарын жеткізді.