Қазақстан Республикасы Қаржылық мониторинг агенттігінің Түркістан облысы бойынша Экономикалық тергеп-тексеру департаментінің қызметкерлері балалардың қаржылық сауаттылығын арттыру мақсатында жазғы сауықтыру лагерьлерінде «Қаржылық қауіпсіздік» атты интерактивті квест ұйымдастырды.
Іс-шара Сайрам ауданы білім бөлімінің «Оқушылар үйі» МКҚК базасында орналасқан балалар жазғы сауықтыру лагерінде және «Лок Машат» ЖШС қарасты балаларды сауықтыру лагерінде өтіп, жалпы 700-ге жуық баланы қамтыды.
Квест барысында қатысушылар фишингтік хабарламаларды анықтау, интернет-алаяқтықтан қорғану, күмәнді сілтемелер мен QR-кодтарды тану, сондай-ақ жеке деректерді қорғау бойынша тәжірибелік тапсырмалар орындады.
Іс-шара балалардың қаржылық қауіпсіздік мәдениетін қалыптастыруға және цифрлық ортадағы қауіпсіздік дағдыларын дамытуға бағытталды.