Қоғамдық-саяси науқандар мен маңызды сайлаулар кезінде әрбір азаматтың өз таңдауын жасап, ел болашағына бейжай қарамауы маңызды. Осы орайда алдағы сайлауда Түркістан облысы бойынша тұрғылықты жері бойынша тіркеуі жоқ азаматтарды уақытша тіркеуге арналған арнайы учаскелер ресми түрде бекітілді.
Бұл қадам – еліміздегі сайлау құқығының ашықтығын, қолжетімділігін және әрбір тұрғынның дауыс беруге толық мүмкіндігі бар екенін айғақтайтын маңызды шешім.
Берілген мәліметтерге сәйкес, тұрғылықты жері бойынша тұрақты тіркеуі жоқ отандастарымыз сайлау күні осы 22 арнайы учаскенің біріне келіп, бір күнге уақытша тіркеле алады. Бұл шара азаматтардың сайлауға қатысып, өз таңдауын жасауына мүмкіндік береді.
Уақытша тіркеу жұмыстары нақты бір күнге – 23 тамыз күні жүзеге асырылады. Сондықтан тіркеуі жоқ азаматтар (прописка) азаматтар осы мүмкіндікті уақтылы пайдалануы тиіс.
Түркістан облысының аумағында осындай мақсаттағы барлығы 22 учаске жұмыс істейтін болады. Атап айтқанда, облыс орталығы — Түркістанда көші-қон ағыны мен халық тығыздығы ескеріліп, 6 уақытша тіркеу учаскелері ашылған. Арыс және Кентау қаласы мен өзге аудандарда 1 учаскеден белгіленген.
Айта кетейік, Түркістан облысының жалпы тұрғындар саны 2 146 700 адамға жетсе, оның ішінде 1 204 659 азамат (халықтың 56%-ы) дауыс беру құқығына ие.
Азаматтардың өз таңдауын емін-еркін жасауы үшін облыста 952 учаскелік сайлау комиссиясы жұмыс істейді.
Мемлекет тарапынан жасалып жатқан бұл жағдайлар әрбір тұрғынның дауысы маңызды екенін және ешбір азаматтың сайлау үдерісінен тыс қалмауы тиіс екенін айқын көрсетеді.
⤵️Аудан, қала сайлау учаскесінің № Сайлау учаскесі орналасқан объектінің (дауыс беруге арналған үй-жайлар) атауы
Түркістан 105 — Түркістан медициналық колледжі
Түркістан 113- №4 С.Сейфуллин атындағы мектеп гимназиясы
Түркістан 121 — № 12 К.Сатпаев атындағы ЖОМ
Түркістан 123- №18 Ж.Едилбаев атындағы ЖОМ
Түркістан 136- №23 Ж.Тәшенов атындағы ІТ — мектебі
Түркістан 951 — «Конгресс холл көпсалалы кешені»
Арыс 1- С.Қожанов атындағы ЖОМ
Кентау 36 — №10 Д.Қонаев атындағы ЖОМ
Бәйдібек 188 — Жалпы орта мектеп-лицей Шаян
Жетісай 197 — Ғ.Мұратбаев атындағы Жетісай гуманитарлық колледжі
Қазығұрт 285 — «№11 колледж»
Келес 327 — Ж.Баласағұн атындағы №4 ЖОМ
Мақтаарал 380 — «Мырзакент» №1 Мектеп-гимназиясы
Ордабасы 455- Ордабасы аудандық мәдениет үйі
Отырар 520 — Отырар аудандық мәдениет сарайы
Сайрам 530 — М.Мақатаев атындағы ЖОМ
Сарыағаш 639 — М.Әуезов атындағы №1 мектеп-гимназиясы
Сауран 67 — А.Байтұрсынов атындағы ЖОМ
Созақ 691 — А. Сүлейменов атындағы ЖОМ
Төлеби 726 — «№8 колледж»
Түлкібас 806 — М.Ломоносов атындағы ЖОМ
Шардара 855 — М.Горький атындағы жалпы білім беретін мектебі