«Бәйтерек жастар ұйымы» қоғамдық бірлестігінің тапсырысымен, Кентау қалалық ішкі саясат бөлімінің қолдауымен Хантағы ауылында нашақорлықтың алдын алу және жастар арасында салауатты өмір салтын қалыптастыру мақсатында ауыл тұрғындарымен ақпараттық кездесу өтті.
Кездесу барысында нашақорлықтың адам денсаулығына, отбасына және қоғамға тигізетін кері әсері айтылып, оның алдын алу жолдары талқыланды.
Кездесуге Түркістан облысы, Кентау қаласында қызмет ететін білікті нарколог-психиатр дәрігер Смайлова Әсем Әділханқызы қатысып, тұрғындармен ашық пікір алмасып, нашақорлықтың адам денсаулығы мен өміріне тигізетін кері әсері туралы өз ойын жеткізді.
Жиын барысында тұрғындарға нашақорлықтың алдын алу бойынша ақпараттық брошюралар таратылып, пайдалы кеңестер берілді. Сонымен қатар тұрғындар өздерін қызықтырған сұрақтарын қойып, маманнан нақты жауаптар алды.
Нашақорлыққа жол жоқ!
Салауатты өмір салтын бірге қалыптастырайық!
