Түркістан облысында тұрғын үй құрылысы жаласуда. Облыс әкімі Дархан Сатыбалды бүгін Кентау қаласында салынып жатқан үйлерді аралап көрді. Уәлиханов көшесінде орналасқан №150 көпқабатты тұрғын үйдің құрылысымен танысып, мердігермен кездесті. Құрылыстың сапасына басты назар аударуды ескертті.
Қазіргі уақытта үйлердің кірпіші қаланып, инфрақұрылымы жүргізіліп жатыр. Құрылыс жұмыстарын «Іргетас-Құрылыс ІІ» ЖШС жүргізуде. 5 қабатты тұрғын үйдің құрылысы қыркүйек айында аяқталады деп жоспарланған. Пәтерлердің жалпы ауданы 3 мың шаршы метрден асады. 60 пәтерлі тұрғын үй баспана кезегінде тұрған отбасыларға беріледі.
Айта кетейік, бұл тұрғын үйлердің құрылысына 2020 жылы жергілікті бюджет есебінен 1000,0 мың теңге қаралып, түзілген келісім шарт негізінде құрылыс жұмыстары басталған болатын. Алайда, 2021-2022 жылдарға тұрғын үй құрылысына қаржы қаралмауына байланысты, құрылыс жұмыстарын уақытша тоқтатылған. 2023 жылға 1 көпқабатты әлеуметтік кредиттік тұрғын үй құрылысына облыстық бюджеттен 300,0 млн теңге қаржы қаралып, 2024 жылдың соңына дейін құрылыс жұмыстарын аяқтау жоспарланған. Қалған 4 көпқабатты тұрғын үй бойынша республикалық және облыстық бюджеттен қаржы сұратылған.
Бүгінде «Қазақстандық Коммуналдық жүйелері» ЖШС мемлекеттік-жекешелік әріптестік тетігі арқылы жаңа газ турбиналы электр станциясын салу арқылы қолданыстағы Кентау ЖЭО-5 мекемесін кеңейту жобасын іске асыруда. Түркістан облысының әкімдігі, ҚР Энергетика министрлігі және «Қазақстандық Коммуналдық жүйелер» ЖШС арасында биылғы көктемде. үшжақты ниет шартына қол қойылған. Жобаның бастамашысы – «Қазақстандық Коммуналдық жүйелері» ЖШС.
Облыс әкімі Дархан Сатыбалды бұл жобаның халық үшін маңызы зор әрі қатаң бақылауда екенін жеткізді. Жобаның есеп-қисабын дәл есептеп, міндетемелерді екшеп, нақты жоспар жасауды тапсырды. Бұл мәселеге алдағы уақытта да оралып, келісім нақтылана түсетінін айтты.
Жобаның болжалды құны -–140 млрд. теңге. Іске асыру кезеңі: 2024-2027 жж. Бүгінгі күнге дейін табиғи газға қосылудың техникалық шарттары алынды. Электр қуатын беру схемасын әзірлеу, топография және геологиялық зерттеулер, ТЭН әзірлеу бойынша жұмыстар жүргізілуде. 2024 жылдың маусым айынан бастап «Қазақстандық Коммуналдық жүйелері» ЖШС тарапынан №6 қазандықты демеуші ретінде кеңейтілген ағымдағы жөндеу жұмыстары жүргізілуде.
КЕНТАУДА КӨПҚАБАТТЫ ТҰРҒЫН ҮЙ САЛЫНУДА
