«AMANAT» партиясы Шымкент қалалық филиалы Қоғамдық қабылдау бөлмесінің ұйымдастыруымен «Құқықтық көмек» партиялық жобасы аясында Тұран ауданына қарасты Қазығұрт шағын ауданында мобильді қоғамдық қабылдау өтті.
Іс-шараға «AMANAT» партиясы Шымкент қалалық филиалы атқарушы хатшысының орынбасары Ербол Байқонысов, фракция жетекшісі Қайрат Имашев, партияның Тұран аудандық филиалының төрағасы Абзал Зейнетаев, мәслихат депутаты Муфтулла Қонақбаев, бірнеше қалалық басқарма қызметкерлері, аудандық әкімдік пен құқық қорғау саласының өкілдері қатысты.
Қабылдау барысында тұрғындар әлеуметтік, инфрақұрылым, тұрғын үй, жер қатынастары және құқықтық мәселелер бойынша өз өтініштерін білдірді. Жалпы саны 40-тан астам азаматтың шағымы мен ұсыныстары тыңдалды. Көтерілген мәселелердің бірқатарына сол мезетте жауап беріліп, нақты шешімдер қабылданды. Ал күрделі сұрақтар заң аясында қарастырылып, тиісті мекемелерге жолданды.
Азаматтар өздерін толғандырған мәселелердің шешім табуына атсалысқан мамандарға ризашылықтарын білдіріп, партия тарапынан ұйымдастырылып отырған мұндай қоғамдық қабылдаулардың өзектілігі мен тиімділігі жайында оң пікірлерін жеткізді.
#AMANAT