Шымкент қаласындағы ашық және жабық мұз айдындарында «Заң мен тәртіп» логотипі орналастырылды. Бұл бастама қоғамдық тәртіпті сақтау, қауіпсіздік мәдениетін арттыру және тұрғындарға заң талаптарын құрметтеуді насихаттау мақсатында жүзеге асырылды. Қаланың спорт және бұқаралық демалыс орындарында орнатылған логотиптер келушілерге мұз үстіндегі қауіпсіздік ережелерін сақтау, қоғамдық тәртіпті бұзбау және өзара сыйластық таныту қажеттігін еске салады. Мамандардың айтуынша, мұндай көрнекі ақпарат құралдары жастар арасында құқықтық сауаттылықты арттыруға оң әсер етеді. Жоба қала тұрғындары мен қонақтарының қауіпсіз демалысын қамтамасыз етуге бағытталған.
Шымкенттегі мұз айдындарында «Заң мен тәртіп» логотипі орнатылды
