24–25 қазан күндері Республика күніне орай Шымкент қаласында «Терең тарихтан – жарқын болашаққа!» атты республикалық пікірсайыс турнирі өтті.
Зияткерлік дода Шымкент қаласының жастар саясаты басқармасына қарасты «Жастар ресурстық орталығы» КММ мен Ө. Жәнібеков атындағы Оңтүстік Қазақстан педагогикалық университетінің бірлесіп ұйымдастыруымен өтті.
Турнирге еліміздің 8 өңірінен 200-ден астам пікірсайысшы қатысып, қазақ және орыс лигалары бойынша бақ сынасты. Қатысушылар шешендік өнерін, сыни ойлау қабілетін және дәлелді пікір айту шеберлігін көрсетіп, өзара тартысты бәсекеге түсті.
Финалдық кезеңде Алматы қаласы мен Түркістан облысының командалары кездесіп, нәтижесінде Алматы қаласының командасы жеңіске жетті.
Қазақ лигасының жеңімпаздары
— І орын (АПФ): Әсембек Думан, Серікбаев Уәлихан (Алматы қаласы).
— ІІ орын (АПФ): Әбілқан Мейірбек, Ахмедов Әсет (Түркістан облысы).
— ІІІ орын (АПФ): Серікқызы Нұрай, Аймахан Ерасыл (Шымкент қаласы).
— Үздік талпыныс (IV орын): Құнанбек Жеңіс (Шымкент қаласы).
— Үздік төреші: Қалдарбек Асылхан (Шымкент қаласы).
— Үздік спикер: Сейсенбай Бақдәулет (Алматы қаласы).
Орыс лигасының жеңімпаздары
— І орын (АПФ): Умнов Денис, Потаренко Денис (Шымкент қаласы).
— ІІ орын (АПФ): Абдурахман Таймия, Ережеп Айша (Шымкент қаласы).
— ІІІ орын (АПФ): Гладков Александр, Дуринетов Мухаммед (Шымкент қаласы).
— Үздік талпыныс: Жұмахан Толғанай, Оспанхан Айзере (Шымкент қаласы).
— Үздік төреші: Нарботаева Мерей (Шымкент қаласы).
— Үздік спикер: Умнов Денис (Шымкент қаласы).
Марапаттау рәсіміне Шымкент қаласының жастар саясаты басқармасына қарасты «Жастар ресурстық орталығы» КММ басшысы Жансерік Бауыржанұлы Жұман қатысып, жеңімпаздар мен жүлдегерлерді құттықтады. Үздік нәтиже көрсеткен қатысушыларға арнайы дипломдар мен естелік сыйлықтар табысталды.
Республикалық пікірсайыс турнирі жастардың азаматтық ұстанымын нығайтуға, шешендік өнерін дамытуға және қоғамдық мәселелерге қатысты өз көзқарасын еркін әрі дәлелді жеткізу дағдыларын қалыптастыруға бағытталды. Сонымен қатар, турнир еліміздің әр өңірінен келген жастардың тәжірибе алмасуына, зияткерлік әлеуетін арттыруына және жаңа байланыстар орнатуына мүмкіндік берді.
