БӘЙДІБЕК: АУДАН ӘКІМІ АУДАН ОРТАЛЫҒЫНДАҒЫ БІРҚАТАР КӨШЕЛЕРДІ АРАЛАДЫ

Бүгін аудан әкімі Ерлан Нұрмаханов Шаян ауылындағы Б.Қарашаұлы, Т.Рысқұлов және Тәуелсіздік көшелерін аралады.
Аралау барысында Б.Қарашаұлы көшесінің аяқ жол бойына орнатылған кейбір орындықтарды үй жақ бетке қаратып орнату, лотоктардың бойында ретсіз тұрған плиталар мен бордюрлерді дұрыстау және «Май ауыстыру» ғимаратының жанында орналасқан арықты мақсатына сай реттеуді тапсырды.
Сонымен қатар, көшелерде пано, бильбордтарды талапқа сай үлгіде орналастыру заңдылықтарын қарастыру, кәсіпкерлік нысандардың иелерімен сөйлесіп ғимараттарының қас келбетін реттеу қажеттігі айтылды.
Аудан басшысы жүргізілген тазалық жұмыстары бойынша Т.Рысқұлов көшесін аралады. Аталған көше бойындағы аялдаманы әрлеу, сырлау, аяқ жолдардың шөбін тазалау, ауыз су жүйесін жүргізу үшін қазылған жерлерді, жөндеу жұмыстары жүргізілген нысандардағы түрлі құрылыс қалдықтарын егелеріне ескертіп, тазалық жұмыстарын ұйымдастыруды тапсырды.
Сонымен қатар Т.Рысқұловтың бойындағы жиі орнатылған орындықтарды басқа көшелерге ауыстыру, көше жарығының бар екенін ескере отырып тротуар бойына орнатылған жарық шам бағаналарын қажет деген аумақтарға ауыстыру мәселелерін қарастыру жөнінде жауапты мекеме басшыларына тапсырма берді.
Шаян ауылдық округінің әкіміне канал арқылы ауылға келіп жатқан ағын суды тиімді пайдалану, көше бойындағы лотоктар мен арықтарды тазалау және көше бойындағы барлық ағаш көшеттерін уақытылы суғаруды қатаң тапсырды.
Тәуелсіздік көшесінің бойына ағаш көшеттерін отырғызу үшін сай жерлерін топырақпен көтеріп, күзгі көшет отырғызу мерзіміне дайындау қажеттігін айтты.
Тазалық жұмыстарын тұрақты жүргізіп отыруды, ауылдың қас келбетін реттеу бойынша бекітілген алгоритммен жұмысты жандандыруды тапсырды.