Бүгін Астананың төрінде мәслихат депутаттарының ІІ республикалық форумы өтті

Бүгін Астананың төрінде мәслихат депутаттарының ІІ республикалық форумы өтті.
Мемлекеттік биліктің өте маңызды тармағы саналатын мәслихат мінберінде халықтың мұң-мұқтажы айтылып, жұртшылық көтерген мәселелер оң шешімін тауып келеді. Бүгінгі форумда Мемлекет басшысы Қасым-Жомарт Тоқаев мәслихат депутаттарының жұмысына оң бағасын беріп, жақсы пікір білдірді.
Маңызды жиында елімізге қатысты өзекті тақырыптар төңірегінде пікір алмасулар болды. Соңғы жылдары орын алып жатқан саяси реформалар мен өзгерістердің оң нәтижесі айтылып, билік тармақтарының жұмысын жетілдірудегі нақты жұмыстар сөз болды. Бүгінде расымен партиялардың аймақтағы белсенділігі артып, облыс, қала, аудан орталықтарында қарқынды жұмыс жүргізілуде. «Халық үніне құлақ асатын мемлекет» қағидаты өз жемісін беріп, азаматтар саяси үдеріске араласып, түрлі тақырып бойынша жұртшылық өз пікірін ашық білдіруде.
Мемлекет басшысы өз сөзінде 6 қазан күні өтетін жалпыұлттық референдумның маңыздылығына да тоқталды. Саяси партиялар мен түрлі қоғамдық ұйымдардың өкілдері, сондай-ақ ғалымдар, сарапшылар, өндіріс мамандары мен кәсіпкерлерді біріктірген Халықтық штаб жұмысын айрықша атап өтті.
«Алдағы референдум – Қазақстанда соңғы бес жылда болған ауқымды өзгерістердің тағы бір мысалы, «Халық үніне құлақ асатын мемлекет» тұжырымдамасының жарқын көрінісі. АЭС құрылысына қатысты өз ұстанымымды бұған дейін бірнеше рет айттым. Әлемдегі прогрестен шет қалмау үшін біз бәсекелестікте өз артықшылықтарымызды пайдалануымыз керек. Азаматтар қолдап дауыс берген жағдайда, бұл Тәуелсіз Қазақстанның бүкіл тарихындағы ең ірі жобаға айналады», — деді Президент.
Атом электр станциясын салу – заман талабы. Сондықтан еліміздің жарқын болашағы үшін әрбір қазақстандықты 6 қазан күні дауыс беруге шақырамын!
#АЭСүшін
#АЭСтаңдаймыз
#ЗаАЭС
#ВыборЗаАЭС
#АЭСРеферендум
#Референдум2024
#ХалықтықШтаб@актуальное