1 қазанда Шымкент қаласында «Қарттар күніне» арналған мерекелік іс-шаралар өтті. Қаланың әкімшілігі, қоғамдық ұйымдар мен қала тұрғындары түрлі салалардың ардагерлерін құттықтап, оларға алғыстарын білдірді. Бұл күн аға буынға құрмет көрсетіп, олардың ел мен қоғамның дамуына қосқан зор үлесін бағалап, сый-сыяпаттар табысталды.
Соғыс, еңбек, білім беру, денсаулық сақтау және өзге де салалардың ардагерлері қаламыздың «Тұран» тойханасына жиналып, оларға арнап концерттік бағдарлама ұсынылды. Шымкенттің өнер ұжымдары ардагерлерге арнап әндер айтып, билер билеп, театрландырылған көріністер көрсетті. Қонақтар әсерлі сәттерді бастан кешіріп, осы өнердің арқасында өткен шаққа оралып, естеліктерімен бөлісті.
Мереке барысында ардагерлердің еліміз бен қоғамымыз үшін жасаған еңбетір ерекше аталып өтілді. Олардың өмірлік тәжірибесі, білімі мен даналығы бүгінгі ұрпақ үшін құнды екені атап өтілді. Мерекеклік іс-шара ұйымырушылар аға буын өкілдеріне зор денсаулық, ұзақ ғұмыр мен отбасылық береке тілеп ыстық лебіздерін жеткізді.
Ерекше құрмет Ұлы Отан соғысы ардагерлеріне көрсетілді. Қалалық ардагерлер кеңесі мен жстар ұйымдарының өкілдері олардың Отанды қорғаудағы ерліктері мен жанқиярлығын еске алып, алғыстарын жеткізді. Соғыс жылдарындағы батырлық пен қаһармандықты еске салатын әндер ардагерлердің құрметіне шырқалды.
Еңбек ардагерлері де назардан тыс қалмады. Олардың қажырлы еңбегі мен тынымсыз қызметі Шымкент қаласы мен Қазақстанның дамуына үлкен үлес қосты өндіріс, ауыл шаруашылығы, ғылым, білім беру сияқты түрлі салаларда табысты еңбек еткен ардагерлерге алғыс сөздер айтылып, оларға естелик сыйлықтар табыс етті.
Мереке соңында барлық ардагерлерге қала әкімдігі атынан гүл шоқтары мен сыйлықтар тарту етілді. Бұл іс-шара аға буынға деген құрмет пен қамқорлықтың айқын белгісі болды және қоғамда қарт адамдарға ерекше назар аудару қажеттілігін тағы бір мәрте еске салды.
Қарттар күніне орай мерекелік іс шара өтті
